sru:version: 1.2; sru:query: fcs.rf="mecmua.5_9"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.5_9"; sru:baseUrl: ; fcs:returnedRecords: 1; fcs:duration: PT0.03S PT0.032S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.5_9</phrase></query>)];

Şekl‑i sādis ʿuqladur

62 Ger gelürse ferd[ü] zevc [ü] zevc [ü] ferd
ʿUqla dėrler şekline ey ḫōş‑mend

63 ʿUqla geldi naḫs [!] evidür gey ṣaqın
Gel ḥaẕer qıl işbu niyyetden çekin

64 Ger dilerseñ yaḫşıdur gibi ḥelāl
Özenürseñ bulısarsın ḫaylĭ māl

65 Her ne ḥācet kim dilerseñ tīz olur
Qatlanursañ beş güne dek ḫūb olur

66 Bāqĭ işde nesne yoqdur bilesin
Şemseddīne çoq duʿālar ėdesin

Şekl‑i sābiʿ enkīsdür

67 Ger gelürse zevc [ü] zevc [ü] zevc [ü] ferd
Şekl‑i enkīs evi geldi naḫs‑i [!] serd

68 Ṭāliʿüñ geldi zuḫal [!] naḫs‑i [!] kebīr
Yaşıñ uzun olısardur ey emīr

69 Maqṣŭduñ maḥpūs [!] ise gėc çıqısar
Ger murăd tezvīc ise tīz olısar

70 Ger ṭaleb zerr ėdesin ḥāṣıl olur
Ger seferse ṣanma kim ḥāṣıl olur

71 Ger yitük isteyesin girmez ele
Ki ṣaqın özenüben girme yola

72 Ortaq olsañ yaḫşı‑durur her işiñ
Ṭoġrı ṣanġıl kim olursa yoldaşıñ

73 Hem vėriser saña bir ʿavret ḫaber
Ḫayr olısar ṣanma kim vardur ḫaṭar

Left margin, transversely:

ʿuqla naḥs münqalıbdur düşmān ve ġam // ve ġuṣṣa ve ḥarāmī evidür ol işden // iḥtirāz gerekdür ġaflet olunmaya terk oluna

enkīs naḥs dāḫildür ġam ve ġuṣṣa evidür // ve ḥarāmī evdiür ol işden iḥtirāz gerekdür // ġaflet olunmaya ve kudūret evidür ziyāde // ṣaqınılur ve ṣadaqa vėreler ol elemden tā ki ḫalāṣ // oluna